Brandio
Mae brandio a chyhoeddusrwydd yn chwarae rhan allweddol wrth sicrhau bod agenda ehangach llywodraeth y DU yn cael ei hyrwyddo yn effeithiol a’i chydnabod, ac fel rhan o hynny, Cronfa Ffyniant Gyffredin y DU (CFfGDU).
Mae’r gofynion hyn yn ymwneud â’r holl ddeunyddiau cyfathrebu a dogfennau sy’n ymwneud â’r cyhoedd yn gysylltiedig â gweithgarwch a ariennir – gan gynnwys print a chyhoeddiadau, a deunyddiau digidol ac electronig.
Mae cydymffurfio â gofynion brandio a chyhoeddusrwydd yn amod o Cytundeb Ariannu Grant y Gronfa Ffyniant Gyffredin: Gogledd Cymru.
Canllaw Brandio a Chyhoeddusrwydd ar gyfer Cronfa Ffyniant Gyffredin y DU
(dolen allanol)
Diweddariad Brandio – 12/07/2024
Dylai prosiectau CFfGDU ddefnyddio’r logo ‘Wedi ei ariannu gan Llywodraeth y DU’ yn unig ac ni ddylech ddefnyddio’r logo ‘Wedi’i yrru gan Ffyniant Bro’ mwyach.
Nid yw gosod logo ‘Wedi ei ariannu gan Llywodraeth y DU’ yn newid. Nid ydym yn disgwyl i asedau presennol gyda’r brand Ffyniant Bro gael eu tynnu i lawr neu eu tynnu ond dylid eu diwygio pan fydd asedau’n cael eu diweddaru nesaf.
Gofynion penodol Cronfa Ffyniant Gyffredin y DU
Deunyddiau digidol gan gynnwys gwefannau a chyfryngau cymdeithasol
Gwefannau
Lle cyhoeddir manylion gweithgareddau’r Gronfa ar wefan, rhaid cynnwys cyfeiriad clir ac amlwg at y cyllid gan CFfGDU fel a ganlyn:
‘Mae’r prosiect hwn wedi ei [ariannu/ariannu yn rhannol] gan Llywodraeth y DU drwy Gronfa Ffyniant Gyffredin y DU.’
Os yw’n ymarferol, dylai darparwyr prosiectau gynnwys dolen i dudalen we Cronfa Ffyniant Gyffredin y DU hefyd, yn ogystal â’r testun canlynol (y mae’n rhaid ei ddefnyddio hefyd ar gyfer nodiadau i olygyddion):
Nod Cronfa Ffyniant Gyffredin y DU yw meithrin balchder mewn lle a chynyddu cyfleoedd bywyd ledled y DU gan fuddsoddi mewn cymunedau a lleoedd, a chefnogi busnesau lleol, a phobl a sgiliau.
Cyfryngau cymdeithasol
Wrth ddisgrifio neu hyrwyddo gweithgareddau’r Gronfa ar gyfryngau cymdeithasol fel X (Twitter), dylid defnyddio’r hashnod (#) canlynol #CFfGDU.
Datganiadau i'r wasg
Rhaid i ddatganiadau i’r wasg gynnwys cyfeiriad clir ac amlwg at CFfGDU ym mhrif gorff y datganiad i’r wasg fel a ganlyn:
‘Mae [y prosiect hwn/Enw’r prosiect] wedi derbyn £[NODER Y SWM]
gan Llywodraeth y DU drwy Gronfa Ffyniant Gyffredin y DU’.
Gofynion Cronfa Ffyniant Gyffredin: Gogledd Cymru
Deunyddiau digidol gan gynnwys gwefannau a chyfryngau cymdeithasol
Pan gyhoeddir manylion gweithgareddau’r Gronfa ar gwefannau, chyfryngau cymdeithasol neu datganiadau i’r wasg, dylid rhoi cyfeirnod a chydnabyddiaeth i bob awdurdod lleol yng Ngogledd Cymru sy’n cefnogi’r prosiect drwy CFfGDU.
Logos yr Awdurdodau lleol
Dylid defnyddio logo pob awdurdod lleol sy’n ariannu’r prosiect drwy UKSPF ym mhob deunydd cyfathrebu a dogfen gyhoeddus sy’n ymwneud â’r gweithgaredd a ariennir.
Dylai’r logos ymddangos fel ‘partner ariannu’, fel y dangosir yn y canllawiau “Funded by UK government Branding Manual“.
